Müsavat Partiyasının irəli sürdüyü namizədlərdən birinə görə qalmaqal yaranıb - FAKT

Müsavat Partiyasının 2020-ci ilin fevralın 9-da keçiriləcək növbədənkənar parlament seçkilərində Aqil Mahmudovun namizədliyini irəli sürməsi qalmaqala səbəb olub.

Pravda.az-ın xəbərinə görə, jurnalist Ruslan Bəşirli deyib ki, 2005-ci ildə həbsində iştirak etmiş, məhkəmədə hər kəsin önündə üzünə durmuş, Milli Təhlükəsizlik Nazirliyinin Antiterror Mərkəzinin sabiq rəis müavini İlqar Əliyevin "işverəni" Aqil Mahmudovun namizədliyi Musavat Partiyasından irəli sürülüb: “Aqil Mahmudov parlament seçkilərində Müsavat partiyasını təmsil edəcək. Mənim vəkilim olmuş, dəyərli hüquqşunas Osman Kazimov (O.Kazımov Müsavat Partiyasının başqanının müavinidir) Aqili tanıyır axı. Hətta, Osman müəllim apelyasiya məhkəməsində Aqil Mahmudovun yalan ifadə verdiyinə görə haqqında cinayət işi qaldırılması ilə bağlı vəsatət vermişdi. Nə əcəb Osman müəllim onun namizədliyinə qarşı çıxmayıb?”.

Jurnalist Eynulla Fətullayev də müzakirəyə qoşulub: “Guya Müsavat özü kimə işləyir?! O da hakimiyyət tərəfindən maliyyəşən bir institutdur da. Təəccüblənmək lazım deyil”.

Müsavat Partiyasının başqanlığına sabiq namizəd Yadigar Sadıqlı isə deyib ki, partiya rəhbərliyi ittihamlara cavab vermir: “Müsavat Partiyasının 88 saylı Göyçay seçki dairəsindən deputatlığa namizəd irəli sürdüyü Aqil Mahmudov ətrafında gedən müzakirələri izləyirəm. Ona qarşı ittihamlara cavab olacaq alababat bir arqument görmədim. Adam 2005-ci ildə siyasi mövqeyinə görə həbs olunan Ruslan Bəşirliyə qarşı yalan ifadələr belə veribmiş. Ən maraqlısı da odur ki, Ruslan Bəşirlinin vəkili Müsavat Partiyasının indiki başqan müavini və Divan üzvü Osman Kazımov olub. Yəni "bilməmişik", "xəbərimiz olmayıb" kimi arqumentlərə yer qalmır. Üstəlik, Osman Kazımov da indi Ruslan Bəşirliyə yazır ki, 2005-də olan şey 2019-da niyə yadına düşüb. Görəsən, bu hadisənin Aqil Mahmudov Müsavatdan namizəd olanda deyil, nə zaman xatırlanılacaqdı? Əlavə də edir ki, səni Aqilə görə tutmayıblar. Yəni ki, əgər bir şeyə görə tutublarsa, gəlib yalan ifadə verən birisi pis iş görmür. Niyə axı, niyə? Hansı səbəb, hansı motiv sizi məcbur edir belə adamı partiyaya qəbul edib hələ namizədliyini irəli sürəsiniz? Ziyanı göz önündə olan bu addımın uduşu nədir? Bilirəm, heç nəyə cavab verməyəcəksiniz. Əksinə, Arif Hacılı daxildə təbliğat aparacaq ki, Yadigar deputat olmaq üçün Müsavata (rəhbərliyə yox, Müsavata!) hücum edir. Ölüm də fəaliyyəti var axı, hakimiyyət çox narahatdır. Bəlkə İsa Qəmbər "mübarizə hakimiyyətlə Müsavat arasında gedir" kimi növbəti aforizm də deyəcək. Amma bununla vəziyyət dəyişmir ey, Müsavatı günü-gündən biabır edirsiniz.

Tarix: 17 Dekabr 2019, 21:59

Xəbər lenti